Namaskar doston, main hoon Apka Dost aur aaj ki kahani Surat ki hai. Baat hai 2025 ki. Surat ke ek ilaake, Poona Gaav mein ek public school hai. Us school mein 20 saal ki Madhavi science padhati thi. Nayi teacher thi. Kaam seekh rahi thi. Padhane mein theek thi aur bachchon se achha bartav rakhti thi.

Usi school mein 10vi ka ek ladka tha — Madhav. Madhav aur Madhavi dono ek hi apartment mein rehte the. Jaise aksar hota hai — jab teacher aaspaas hi rehti hai toh bachchon ko excitement hoti hai. Madhav ko bhi jab yeh pata chala ki uski science teacher Madhavi usi apartment mein rehti hain, toh woh bahut khush ho gaya.

Ghar pahunchte hi usne yeh baat apni maa ko batayi. Maa ke liye yeh koi badi baat nahi thi, lekin bete ke chehre ki khushi dekh kar woh bhi muskura di.

Samay beetta gaya. Half-yearly exam mein Madhav ke marks ache nahi aaye. Pitaji ne kaha agar zarurat ho toh kisi se madad lo. Ek din Madhav ki maa — jo teesre maale par rehti thi — Madhavi ke flat par gayi. Apna parichay diya aur kaha ki Madhav ko ghar par science padha do.

Madhavi ne kaha, “Main coaching nahi karti, lekin Madhav mera priya student hai. Aap use Saturday-Sunday ko bhej dijiye, main guide kar doongi.”

Do din baad, Madhav Saturday shaam 4 baje Madhavi ke flat pahunch gaya. Lagbhag 2 mahine tak yeh chalta raha. Madhav sirf weekend par jata tha. Fir ek din usne kaha — “Ab madam roz shaam 6 baje bula rahi hain.”

Ghar walon ko koi aitraaz nahi hua. Uske baad se Madhav roz coaching ke liye jaane laga.

Dheere-dheere waqt guzarta gaya. Madhav 9vi se 10vi mein aa gaya.

25 April ki baat hai. School ki chhuttiyaan ho chuki thi. Lekin Madhavi ne Madhav ki coaching jaari rakhi thi. Shaam 7 baje ke aaspaas Madhav ke papa ghar aaye, lekin Madhav ghar par nahi tha.

Pucha toh maa ne bataya, “Woh dopehar se hi Madhavi ke ghar coaching ke liye gaya hai.”

Papa ko uski padhaai par zyada bharosa nahi tha, kyunki marks ache nahi aate the. Pehle kuch der sofe par baithe rahe, lekin jab ek ghante baad bhi beta nahi aaya, toh maa ko Madhavi ke ghar bheja.

Lekin wahan pata chala — ghar mein tala laga hua hai. Padosiyon ne bataya ki Madhavi dopehar se hi nahi dikhi.

Papa ghabra gaye. Unhone building ke bachchon se pucha. Ek dost ne bataya ki dopehar ko usne Madhav ko Madhavi madam ke saath kahin jaate dekha tha.

CCTV dekha gaya — aur sab dikh gaya: Madhav, Madhavi ka haath pakde, taxi mein baith raha tha. Madhavi ke haath mein ek bag bhi tha.

Papa seedha police station gaye aur report likhwai.

Police ne railway station ke CCTV check kiye — dono Ahmedabad jaane wali train mein chadhte dikh rahe the. Dono ke mobile band the.

Police ne Madhav ke kidnapping ka case darj kiya. Jab kuch waqt baad mobile on hua, toh location trace ki gayi.

30 April, Gujarat-Rajasthan border ke paas, Shyamli naam ki jagah ek bus mein dono ko pakad liya gaya. Madhav ko bhi surakshit baramad kar liya gaya.

Jab poochtaach hui, toh Madhavi ne kaha:

“Kidnapping nahi hui. Hum dono ghoomne gaye the.”
Madhav ne bhi is baat ki tasdeek ki.

Lekin police ne pucha — “Toh ghar walon ko bataya kyun nahi?”
“Mobile band kyun rakha?”
In sawalon par dono chup ho gaye.

Fir Madhavi ne bada khulasa kiya:

“Main Madhav ke bacche se 5 mahine ki pregnant hoon.”

Sab shock ho gaye. Madhav ne bhi kabool kiya — “Main 2 saal se unke saath sambandh mein hoon.”

Lekin Madhav naabalig tha — isliye uski “razaamandi” kanoon ke nazar mein valid nahi thi. Madhavi ke khilaaf POCSO Act ke tahat case darj hua.

Court ne Madhavi ko garbhpat ki ijazat di. Doctor ki report ke mutabiq woh 22 hafte ki pregnant thi. Court ne kaha ki garbh ka DNA test kiya jaye — taaki case ki further investigation mein help ho.

Yeh kahani sirf ek scandal nahi thi — yeh society ke liye ek warning thi. Ki kaise bhrosa aur responsibility ka balance bigadta ja raha hai.